Yang berduri bueh durian
Masing enak si kue putu
Eh gak enak punye bini biduan
Malem minggu di tinggal melulu
Aduh duh... Aturan asyik
Lagi-lagi undangan gengsot, katenye
Gak taunye die seneng, Gue nyang sewot
(Sapa suruh kawin ma biduan
jadi biduan juga
yang penting di jalan yang bener
iye nggak)
Bueh mangge si bueh pelem
Lebih manis bueh belimbing
(amboooooii)
Paling suseh punye laki bintang pelem
(kenapeee?)
Die ciuman di pelem.. Gue nyang rungsing
Aduh duh... Aturan asyik
Ape lagi adegan ranjang
Gue yang liat ati panas, die yang seneng
(Aah itu kan cuman di pilem
gak sampe kehati)
(gak sampe ke hati,
tapinya kan ndredek juga kan?)
(ahehe yak tauk dah)
Ikan tongkol di pasar ikan
Ikan di tangkep masuk ke jale
Ati dongkol punye bini biduan
Kalo lagi nyanyi, die suka maen mate
Aduh duh... Bisa berabe
Ade orang nyang saleh sangke
Die kecantol gue nyang
garuk-garuk kepale
(siape yang saleh,
gue sih gak kenape nape.. die aje)
Burung celepuk si burung malam
(nak cakap buruung)
Kukunye tajem seperti duri
Bikin kapok punye laki bintang pelem
(eh kenapee?)
Tiap kali tidur saye sendiri aje...
Aduh duh...
Aturan asyik duaan
kalo pergi pulangnye malem
Lagi-lagi alesannye shooting pelem...
(ke binaria lu bilang shooting pilem
Emang lu lagi bikin pilem disono)
(Ya sangke dah sangke, ntar gw ho oh in)
- Lirik Lagu Aturan Asyik - Benyamin Sueb & Ida Royani | Gambang Kromong | 1970-an
