(Awas lampu mereh, jangan masuk dulu
Abang mesti taat ame peraturan)
Jangan adek mareh, Abang juga tau
Nunggu lame-lame Abang gak sabaran...
(Kalo lagi mereh, Abang mesti sabar
Kalo udeh ijo boleh Abang masuk)
Abis pegimane Abang musti sabar,
Kok sedari tadi lampu mereh terus?
"Nah lampu mereh terus, ntar gue cari jalan lain"
"(Terserah..!!)"
Lampu mereh (setop), lampu ijo (jalan)
Lampu kuning (setop pelan-pelan Bang!)
Abang sodok ye? (jangan!), Abang kebut? (jangan!)
(Inget dong Bang demi kes'lametan)...
(Ayo siap-siap lampu udeh kuning
Ayo dong cepetan sodok deh buruan Bang)
Abang jadi bingung kenape ngedadak mogok,
Kagak saleh lagi akinye nyang soak..!!
[Intelude + Dialog]
"Heran nih aki soak melulu!"
"(Cas dong bang!)"
"Padahal baru dicas kemaren"
"(Huh bosen, kalo mau dipake soak melulu soak melulu
Entar gue pinde ke mobil laen nih! baru nyaho!)"
Lampu kuning (siap!), lampu ijo (boleh deh Bang!)
Lampu mereh (eh Bang jangan dulu)
Kita musti (taat) ame (peraturan)
Jangan jadi (algojo di jalan)...
(Liat pak Polisi diri di Bunderan
Ngatur lalu lintas demi keamanan)
Nggak perduli panas, nggak perduli ujan
Demi keamanan lalu lintas jalan...
"(Untung ade pak polisi)"
"(Kalo enggak macet!)"
"Emang, Nah udah dilebarin, sempit lagi"
- Lirik Lagu Lampu Merah II - Benyamin S & Ida Royani | Gambang Kromong | 1970-an
