"Apa-apan lo prengutin gue, hah?
Sekarang lo lain keliatannya ama gue, kurang ajar!
Gue tampar lo! Nangis!
Gue tinggal pergi lo! (Emang aye udah bosen ama lo Bang..)
Bang sekarang aje cerai'in
Aye kagak takut eh jadi jande
Kalau Abang niat nyakitin
Sekarang mumpung aye masih sekel Bang...
Ngomong jangan seenak waduk
Mulut nyap-nyap kaye jago meleduk
Ngambek lo jelek seradak-seruduk
Gue cere'in lo jatuh duduk...
Ape lo kate, Abang bilang ape?
Hari ini Abang cere'in besok ada nyang nanggapin Bang, banyak
Sepuluh juga gue bisa dapet yang kaye lo Bang...
Sekarang gue baru tahu
Pantesen elo b'rani dicere'in
Lo inget lagi pacar dulu,
Anak Bang Sidik namenye si Boim...
"Sane pergi ama si Boim, Bawe pakaian lo"
Iye Bang, hari ini juga (Hari ini), aye pergi Bang..!!
Nagis aje...
Ape lo kate, perempuan banyak tingkeh
Lo kira lo kecakepan, gue cere'in lo nyesel lo...
Lelaki cuman pinter omong
Di rumeh alim di luar ngegonggong
Ditinggal nginep Abang bengong
Belagak bodoh kayak sapi ompong...
"Pegi nginep ame enyak lo!"
"Setaun lagi gue gapape"
"Iye bang, permisi bang"
"Pegi! huh pegi!"
- Lirik Lagu Mumpung Masih Muda - Benyamin Sueb & Ida Royani | Tukang Loak | 1972
